2024-жылдагы глобалдык сатуу көрсөткүчтөрүнө ылайык, дүйнөдө эң көп сатылган унаа – Toyota RAV4 болду. Бул тууралуу JATO Dynamics аналитикалык агенттигинин жаңы маалыматына таянып, Rambler жазып чыкты.
Бензин жана электр унаалардын сатылышы азыр дээрлик тең чыккан. 2023-жылы дүйнөлүк бестселлер болуп электр унаасы Tesla Model Y эсептелсе, быйыл биринчи орунду бензин кыймылдаткычы менен жабдылган япондук кроссовер RAV4 алды. Ал 153 өлкөдө 1,187 миллион даана сатылган, бул дүйнөлүк рыноктун 99%ын түзөт.
Tesla Model Y экинчи орунду алды, болгону 2000 даанага артта калды. Үчүнчү орунда — Toyota Corolla Cross, ал бензин жана гибрид версияларында чыгат. Алдыңкы бешти Honda CR-V жана Toyota Corolla толуктады — экөө тең бензин же гибрид кыймылдаткыч менен сатылат.
2024-жылы дүйнөдө эң көп сатылган унаалардын ТОП-10 тизмеси:
-
Toyota RAV4 — 1 187 000 даана (+11% 2023-жылга салыштырмалуу);
-
Tesla Model Y — 1 185 000 (-3%);
-
Toyota Corolla Cross — 859 000 (+18%);
-
Honda CR-V — 854 000 (+1%);
-
Toyota Corolla — 697 000 (+11%);
-
Toyota Hilux — 617 000 (-15%);
-
Ford F-150 — 595 000 (-2%);
-
Toyota Camry — 593 000 (-8%);
-
Tesla Model 3 — 560 000 (+10%);
-
BYD Qin — 502 000 (+6%).
Буга чейин маалым болгондой, 2024-жылы дүйнө жүзү боюнча 78,5 миллион жеңил жана жеңил коммерциялык унаа сатылган. Анын ичинен 17 миллиону — гибрид жана таза электр унаалар болгон.



















