Кыргызстандын Беларустагы элчиси Эрбол Султанбаев Беларусь мамлекеттик университетинин ректору Андрей Корол менен жолукту.
Бул тууралуу ал өзү социалдык тармактагы баракчасына жазды.
Султанбаевдин маалыматына караганда, жолугушууда эки өлкөнүн жогорку окуу жайларынын ортосунда биргелешкен окуу программаларын уюштуруу, студенттерди жана окутуучуларды алмашуу, илимий изилдөөлөрдү, эл аралык конференцияларды жана башка иш-чараларды өткөрүүнүн келечеги талкууланды.
БМУнун жетекчилиги бул маселелер боюнча, анын ичинде Жусуп Баласагын атындагы Кыргыз улуттук университети, ошондой эле Кыргызстандын башка алдыңкы университеттери менен кызматташууну өнүктүрүүгө кызыкдар экенин билдирди”, – деп жазды ал.
Тараптардын сүйлөшүүсүнүн жүрүшүндө билим жана илим тармагындагы кызматташтыкты активдештирүү, ошондой эле студенттердин жана окутуучулардын академиялык мобилдүүлүгүнүн маселелерин талкуулап, илимий кызматташуу боюнча сунуштар тууралуу пикир алмашышты.
Бул контекстте БМУнун ректору Андрей Корол менен Кыргызстандын ортосундагы илимий кызматташтыктын потенциалы тууралуу сөз болуп, кызматташтык үч келишимдин алкагында өнүгүп жатат.
Өнөктөштөрдүн катарында И. Арабаева атындагы Кыргыз мамлекеттик университети, К. Карасаева атындагы Бишкек мамлекеттик гуманитардык университети да бар.
Дагы бир белгилей кетүүчү маанилүү нерсе, Кыргызстандын Беларусиядагы элчилигинин колдоосу менен дүйнөгө белгилүү жазуучу Чыңгыз Айтматовдун туулган күнүнүн 100 жылдыгын белгилөө боюнча демилге көтөрүлдү.
Андрей Корол белгилегендей, бул сунушту БМУнун филология факультетинде ишке ашырса болот. Учурда кыргыз жазуучусунун чыгармачылыгы илимий конференциялар, тегерек столдор аркылуу окутулуп, изилденип жатат.



















