Анталия аэропортунда орусиялык “Азимут” авиакомпаниясынын учагынын конгондон кийин мотору күйүп кетти.
Сочиден Анталияга учуп бараткан Sukhoi Superjet 100 учагынын конуу учурунда кыймылдаткычынын сол тарабы күйүп кетти. Аба ырайынын ыңгайсыз шарттарында конгон учактагы өрт учуу тилкесинде токтогондон кийин аныкталган. Көп өтпөй окуя болгон жерге өрт өчүрүүчүлөр келип, өрттү өчүрүүгө киришкен.
Жалпысынан учакта 89 жүргүнчү жана алты экипаж мүчөсү болгон. Окуя болгон жерден тартылган кадрларга караганда, учак учуп-конуу тилкесинде токтоп калган, жүргүнчүлөр тепкичтен түшүп жатышат, өрт өчүрүүчүлөр учурда өрттү көзөмөлдөөгө аракет кылып жатышат.
«А45051 Сочи – Анталия каттамын аткарып жаткан Azimut Airlines компаниясынын учагы конуп жатканда шамалдын жылышынан улам орой конгон. Командир үйлөмө тепкичтер аркылуу эвакуациялоону чечти. Жүргүнчүлөр аман-эсен аэропортко жеткирилди. Жабыркагандар болгон жок», — деп билдирди авиакомпания.


















