Индияда Марчула шаарына жакын жерде автобус дээрлик 200 метр тереңдиктеги капчыгайга кулап кетип, кеминде 36 киши каза болду. Бул тууралуу The Indian Express басылмасы жазып чыкты.
Басылманын маалыматына караганда, 42 орундуу автобуста 63 адам болгон;
Натыйжада кеминде 36 адам каза болуп, дагы 27си жарадар болгон. 28 адам, анын ичинде 8 аял жана бир бала окуя болгон жерден каза болсо, дагы сегизи ооруканада дарыланып жатып каза болгон.
«Жакындарын жоготкондорго көңүл айтам. Жабыркагандардын баарынын тез сакайып кетишин каалайм. Штат өкмөтүнүн жетекчилиги астында жергиликтүү администрация чукул жардам көрсөтүү жана адамдарды куткаруу үчүн бардык күч-аракетин жумшоодо», – деди премьер-министр Нарендра Моди билдирүүсүндө.



















