ЕАЭБге мүчө өлкөлөрдүн ортосундагы эл аралык роумингди жоюу боюнча долбоор Евразия экономикалык комиссиясы (ЕЭК) тарабынан иштелип чыккан. Эми ал 2025-жылдын I кварталында жоюлаары күтүлүүдө.
Бул тууралуу ЕЭКтин монополияга каршы жөнгө салуу департаментинин директору Сергей Максимов билдиргенин “Известия” сайты жазды.
Маалыматта айтылгандай, учурда аталган комиссия байланыш боюнча жумушчу топ менен биргеликте пландын акыркы чараларын ишке ашырууда. Тактап айтканда: ЕАЭБге мүчө мамлекеттердин аймактарында эл аралык роумингде уюлдук байланыш кызматтарына адилет тарифтерди колдонуу эрежелерин иштеп чыгууда. Ушул жылдын аягына чейин эрежелердин долбоору комиссиянын коллегиясына бекитүү үчүн киргизилиши керек”, – деп айтылат маалыматта.
Учурда ЕЭК өлкөлөрүндө байланыш үчүн “адилет тарифтерди” колдонуу боюнча сүйлөшүүлөр жүрүп жатат.
Роумингди жоюу телефон чалууларга гана тиешелүүбү же мобилдик интернетке да тиешелүүбү азырынча белгисиз.

















