Парижде өтүп жаткан Олимпиада оюндарынын акыркы 9 күндөгү жыйынтыгы менен медалдардын саны боюнча АКШ курамасы 19 алтын, 26 күмүш, 26т коло медаль утуп, алдыңкы орунга чыкты. Кытай курамасы 19 алтын, 15 күмүш, 11 коло медал менен экинчи орунда. Франциянын курамасы 12 алтын, 14 күмүш, 18 коло медаль менен үчүнчү келатат.
Ушу тапта медалдын саны боюнча алдыңкы ондукка кирген курамалар:
- АКШ – 19 алтын / 26 күмүш / 26 коло медаль (бардыгы 71);
- Кытай – 19.15.11 (45);
- Франция – 14.12.18 (44);
- Австралия – 12.11.8 (31);
- Улуу Британия – 10.12.15 (37);
- Түштүк Корея – 7/10 (24);
- Япония – 9/5/10 (24);
- Италия – 7/10/5 (22);
- Нидерланды – 6/5/4 (15);
- Германия – 5/5/2 (12).
Коңшу өлкөлөрдөн Казакстан курамасы бир алтын, бир күмүш жана эки коло медалы менен 30-орунда болсо, Өзбекстан бир алтын жана эки коло медалы менен 32-орунда. Ал эми 3 коло медаль уткан Тажикстан 60 орунда.
Азырынча Кыргызстандын капчыгында медалдар жок. Бирок 4-августта жарым финалга чыккан кыргызстандык мушкер Мунарбек Сейитбек уулу алдыда Кыргызстанга медаль алып бермекчи.
Париж Олимпиадасына 206 өлкөдөн 10 500 спортчу катышууда.
Борбор Азия мамлекеттеринен Кыргызстан – спорттун 5 түрү боюнча 16 спортчу, Казакстан – спорттун 20 түрү боюнча 80, Өзбекстан – спорттун 19 түрү боюнча 90, Тажикстан – спорттун 6 түрү боюнча 14, жана Түркмөнстан – 6 спортчу жөнөтүшкөн.
Олимпиада оюндары 11-августка чейин өтөт. 16 күндүн ичинде спорттун 39 түрү боюнча 329 комплект сыйлыктын ээлери аныкталат.
