НАТОнун баш катчысы Йенс Столтенберг Польшаны көздөй учкан орусиялык ракеталарды атып түшүрүү идеясына каршы чыкты.
«НАТОнун саясаты өзгөрүүсүз бойдон калууда. Биз бул кагылышууга катышпайбыз, чыр-чатактын бир бөлүгү болуп калбайбыз. Башкача айтканда, биз Украинаны орус учактарын жок кылууда колдойбуз, бирок НАТО түз катышпайт», – деди Столтенберг (Би-Би-Си келтирген маалымат).
8-июлда Украина менен Польша батыш багытында атылган россиялык ракеталарды кармоо мүмкүнчүлүгүн караган коопсуздук жаатында кызматташуу боюнча келишимге кол коюшкан.
Польшанын тышкы иштер министри Радослав Сикорски Санкт-Петербург аймагынан Львовго жакын буталарга атылган бир нече орус ракетасынын Беларустун аймагына өтүп, Польшанын аба мейкиндигине 40 секунд кирип, андан соң кайра Украинаны көздөй багыт алганын айтты.
«Биздин өлкө алдыңкы сапта, ал эми орусиялык ракеталар аба мейкиндигин бузуп жатат. Бул жаңылыштык менен жасалып жатат деп ойлойбуз», – деди Сикорский. “Биздин дилемма бул: эгерде биз аларды биздин мейкиндикке киргенде гана атып түшүрсөк, урандылар биздин жарандарга жана мүлкүбүзгө коркунуч жаратат.”
















