Чехиянын президенти Петр Павел мотоциклден авария болуп, денесинен жаракат алгандыктан, ооруканага жатып калды.
Бирок полиция кырсыкты жол-транспорт кырсыгы катары эсептеген жок. Себеби авария жолдо эмес, жабык спорттук трассада болгон.
Мамлекет башчынын пресс-катчысы Вит Коларждын маалыматы боюнча, президент Петр Павел мотоциклди өзү айдап баратып, аварияга учураган жана бактыга жараша ден соолугуна коркунуч жок.
«Президент Петр Павел мотоцикл айдап баратып бир аз травма алды», – деп айтты ал бейшемби күнү чех телевидениесинин эфиринде.
Анын айтуусунда, «Павел Прагадагы Борбордук аскер госпиталына жаткырылган жана ал жакта бир нече күн болмокчу, андан соң дагы бир нече күн өтүп, өзүнүн милдеттерин аткаруу үчүн кызматына кайтып келет».
Чех полициясы кырсыкты жол-транспорт кырсыгы катары карабай тургандыгын, анткени авария жолдо эмес, үстү жабык спорттук трассада болгондугун билдирди.



















