Бишкек шаардык перинаталдык борборунда үч эм жарык дүйнөгө келди. Бул тууралуу Саламаттык сактоо министрлигинин басма сөз кызматынан билдиришти.
Ведомствонун маалыматына караганда, 36 жаштагы К.к.А. аттуу айым 2-январда операция жолу менен үч кызды жарык дүйнөгө алып келген.
Ымыркайлардын салмагы – 2080 кг, 2340 кг, 2140 кг.
Наристелердин жана апасынын абалы туруктуу, алар учурда кам көрүүнүн экинчи этабында.
“Кыздардын апасы перинаталдык борборго 2023-жылдын 28-декабрында келип түшкөн. Анда эрте көз жаруу жана анемия коркунучу бар болчу”, – деп кошумчалашты министрликтин басма сөз кызматынан.
Белгилей кетүүчү жагдай, Чүй облусунун Ысык-Ата райондук дарыгерлердин жалпы практикалоо борборунда бүгүн салмагы 6,5 кг болгон “баатыр” бала төрөлгөн. Ал эми жаңы жыл түнү жалпы республика боюнча 276 ымыркай жарык дүйнөгө келген.
