Өзбекстандын калкынын саны 37 миллиондон ашканын өлкө президентине караштуу Статистика агенттиги билдирди.
Расмий маалымат боюнча, эркектердин саны 18,6 миллиондон ашык, аялдардын саны 18,3 миллиондон ашык адамды түзөт.
Маалым болгондой, жыл башынан бери Өзбекстандын калкынын саны 200 миңден ашык адамга көбөйдү, бул орточо эсеп менен айына 50 миңден ашык адам дегенди билдирет. Ал эми акыркы бир жылда элдин саны 2,2%га, же 774,9 миң адамга көбөйгөн.
Өзбекстандын калкынын саны 2022-жылдын декабрында 36 млн болчу.
2030-жылы республиканын калкынын саны 41 миллиондон ашат, ал эми 2040 жана 2050-жылдары тиешелүүлүгүнө жараша 46 миллион жана 50 миллион адам болот деп күтүлүүдө.
Белгилей кетсек, 2024-жылдын башына карата Кыргызстандын туруктуу калкынын саны 7 миллин 162 миң адамды, Казакстанда 20 миллин 033 миң 546 адамды, Тажикстанда 10 миллион 277,1 миң адамды жана Түркмөнстанда 2023-жылдын декабрь айына карата 7 миллион 57 миң 841 адамды түзөт.



















