Венесуэла президент Николас Мадуро АКШнын күчтөрү тарабынан кармалгандан кийин бир нече жылдан соң Израилге биринчи мунай жөнөтүп жатат.
Бул тууралуу Bloomberg булактарына шилтеме берип билдирди.
Маалыматта айтылгандай, жүк Израилдин эң ири чийки мунай иштетүүчү Bazan Group компаниясы үчүн ташылып жатканы белгиленет.
Агенттик Израилге мунай жеткирүүлөрдүн кайра жанданышын президент Николас Мадуронун туткундалышынан кийин Венесуэланын мунай экспортунун маршруттарынын өзгөрүшү менен байланыштырат. Буга чейин Венесуэланын мунайынын олуттуу бөлүгү Кытайга жөнөтүлчү, бирок акыркы жумаларда жүктөр Индия, Испания жана АКШдагы сатып алуучуларга сатылды.
Kpler компаниясынын статистикасына ылайык, бул 2020-жылдын ортосунан бери Венесуэладан Израилге мунай экспорттолгон биринчи учур. Израил акыркы жолу Венесуэладан 470 000 баррель мунай алган.
9-январга караган түнү АКШ Венесуэлада атайын операция жүргүзүп, бул өлкөнүн президенти Николас Мадурону жана жубайын кармап кеткенин расмий жарыялаган. Алдарды Нью-Йоркко алып кетишкен. Президент Дональд Трамп алар “наркотерроризмге” катышкан жана АКШга коркунуч келтирген деген айып менен соттолорун жарыялаган.
Мадуронун тушунда аткаруучу вице-президент болуп иштеген Делси Родригес учурда Венесуэланын мамлекет башчысы функциясын аткарууда. Америкалык администрация Кошмо Штаттар Венесуэланы убактылуу көзөмөлдөй турганын билдирген.

















