АКШнын жаңы шайланган президенти Дональд Трамп орус лидери Владимир Путин аны менен жолугушуу каалоосун билдиргенин жана эки тарап мындай жолугушууга даярдык көрүп жатышкандыгын билдиргенин, РИА Новости агенттиги жазды.
Ал (Путин – ред.) жолугушууну каалайт, биз уюштуруу иштери менен алектенүүдөбүз”, – деди Трамп Флоридадагы резиденциясында журналисттерге.
Трамп жолугушуу качан болорун тактаган жок.
Ал Путин жана Кытайдын лидери Си Цзиньпин менен үч тараптуу жолугушуусу ыктымалдыгы тууралуу суроого бул кийинчерээк аныкталат деп жооп берди.
Декабрь айында РФ лидери Владимир Путин маалымат жыйын менен айкалышкан түз линия учурунда Трамп менен сүйлөшүүгө жана жолугушууга даяр экенин айтып, эгер бул ишке ашса, эки президент сүйлөшө турган сөз бар экенин белгилеген.
Трамп өзү буга чейин Путиндин сүйлөшүүлөргө даяр экенин биле турганын айтып, бирок мындай байланыштарды Ак үйгө расмий кайтып келгенден кийин гана мүмкүн деп эсептеген.
Россия президентинин маалымат катчысы Дмитрий Песков Трамптын бул билдирүүсүнө комментарий берип, Москва АКШнын жаңы шайлаган президенти Дональд Трамптын Россия лидери Владимир Путин менен диалогго баруу каалоосун кубаттайт, бирок азырынча жолугушуу боюнча конкреттүү пландар жок экенин билдирди.
Трамп Москва менен Киевдин ортосундагы аскерий жаңжалды токтотууга бир нече жолу убада берип, жөнгө салуу боюнча атайын өкүл, отставкадагы генерал-лейтенант Кит Келлогду дайындаган.
Путин ноябрда “Валдай” форумунда сүйлөп жатып, республикачыл Трамптын шайлоо өнөктүгү маалында айткан сөздөрүнө комментарий бергиси келбей турганын, анткени алар “шайлоочулардын добуштары үчүн күрөштө атайылап айтылган” деп билдирген. Россия менен мамилени калыбына келтирүү, украин кризисин токтотууга жардам берүү каалоосу жөнүндө айтылгандар, жок дегенде көңүл бурууга татыктуу деген орус президенти.


















