АКШнын президенти Мичигандагы демократиялык партиянын праймеризинде палестиналыктарды жактаган талапкердин жеңишине ачууланып: “Анын жакшы жыйынтык көрсөтөөрү күтүлгөн эмес”,- деп билдирди.
Ирандын Pars Today агенттиги Mehr маалымат агенттигине шилтеме жасап жазганына караганда, АКШнын президенти Дональд Трамп Абдул-Саиддин Мичигандагы демократиялык партиянын праймеризиндеги жеңишине нааразычылыгын социалдык медиа аккаунтуна “Truth Social” деген аталыштагы билдирүү жарыялоо менен билдирген.
Бул билдирүүдө АКШ президенти ачууланып: “Республикалык партия үчүн жакшы жаңылык. Жүйүттөрдү жана Израилди жек көргөн ийгиликсиз коммунист Аль-Саид социалисттерге каршы жарышта жеңүүчү болот деп болжолдонууда”,- деп жазган.
Ар кандай булактар тарабынан жарыяланган сурамжылоонун жыйынтыктарын өзүнө жагымсыз деп эсептеген Дональд Трамп: “Анын жакшы жыйынтык көрсөтөөрү күтүлгөн эмес. Эми демократтардын акылга сыйбаган саясаты ого бетер начарлай берет!”,- деп улантты.
Абдулрахман Аль-Саид Мичигандагы АКШ Сенатына демократтардын праймеризинде жеңишке жетти.
NBC телеканалы жүйүттүк топторду колдоо үчүн өнөктүгүнө ондогон миллион доллар коротконуна карабастан, атаандашын жеңгенин билдирди.
Баяндамага ылайык, шейшемби күнкү шайлоонун жыйынтыктары АКШдагы AIPAC деп аталган жүйүттүк лоббиге олуттуу сокку урду. Палестинаны жактаган саясатчы Абдулрахман ас-Саидди бийликтен кетирүү аракетин жетектеген бул лобби өзүнүн атаандашы, АКШ Конгрессинин мүчөсү Хейли Стивенсти колдоо үчүн 30 миллион доллардан ашык каражат сарптаган.
















