АКШнын президенти Дональд Трамп БУУнун Башкы Ассамблеясынын 81-сессиясынын алкагында Нью-Йоркто өткөн Иран менен болгон жаңжалды жөнгө салуу боюнча жолугушууда бир катар жакшы сунуштар айтылганын билдирди.
Бул тууралуу Reuters агенттиги маалымдады.
Америкалык лидердин айтымында, анын күйөө баласы Жаред Кушнер жана атайын өкүл Стив Уиткофф «Иран менен келишим түзүү маселеси боюнча ортомчулар менен жолугушкан».
«Ортомчулар катышты. Эң жогорку деңгээлдегилер эмес <…>. Көптөгөн жакшы идеялар айтылды. Көп нерсе абдан жакшы жүрүп жатат», — деди Трамп АКШ тарабынан уюштурулган уюшкан кылмыштуулукка каршы күрөшүү боюнча аймактык альянс — «Американын Калканы» (Shield of the Americas) ишмердигине арналган иш-чарада сүйлөп жатып.
Буга чейин Трамп АКШ менен Ирандын өкүлдөрү БУУнун Башкы Ассамблеясынын алкагында үч сааттык жолугушуу өткөргөнүн билдирген. Анын айтымында, жолугушуу «абдан жакшы өткөн».

















