Тимур Жаксылыков Казакстандын Беларустагы элчиси болуп дайындалды. Тиешелүү жарлыкка президент Касым-Жомарт Токаев 2024-жылдын 4-июнунда кол койгонун Zakon.kz билдирди.
«Мамлекет башчынын жарлыгы менен Тимур Мекешевич Жаксылыков Казакстан Республикасынын Беларусь Республикасындагы Атайын жана Ыйгарым укуктуу Элчиси, КМШнын уставдык органдарындагы штаттан тышкаркы туруктуу өкүлү болуп дайындалды», — деп айтылат расмий билдирүүдө.
Тимур Жаксылыков 1968-жылы 17-сентябрда туулган. 1993-жылы М.В.Ломоносов атындагы Москва мамлекеттик университетин бүтүргөн. 2003-жылы – Казак финансы-экономикалык институтун аяктаган.
Эмгек жолун 1985-жылы Иртыш геологиялык чалгындоо экспедициясында жумушчу болуп иштөөдөн баштаган.
1993-1996-жылдары Семей бизнес жана ишкердик институтунун аткаруучу ректору болгон.
1998-2003-жылдары – Казакстан Президентинин Иш башкармалыгынын сектор башчысы, бөлүм башчысынын орун басары.
2004-2005 – Женевадагы Дүйнөлүк соода уюмунун маселелери боюнча Казакстандын Өнөр жай жана соода министрлигинин өкүлү.
2008-2009-жылдары Астананын акиминин орун басары болуп иштеген.
2009-жылдын октябрынан 2010-жылдын мартына чейин Казакстандын өнөр жай жана соода министринин орун басары болгон.
2012-2017-жылдары – Казакстандын Экономикалык өнүгүү жана соода, Улуттук экономика министринин орун басары.
2018-жылы Казакстандын президентинин жардамчысы болгон.
2021-жылдын 16-февралынан тарта Казакстандын улуттук экономика министринин биринчи вице-министри.
Кийинчерээк президенттин дагы бир жарлыгы менен Байжанов Эрлан Сапарович Белоруссиядагы элчиси кызматынан бошотулду.
Эрлан Байжанов 1962-жылы 8-октябрда Алматыда туулган. 1985-жылы М. Ломоносов атындагы Москва мамлекеттик университетин бүтүргөн. Адистиги боюнча журналист, филология илимдеринин кандидаты (журналистика адистиги боюнча).
Эмгек жолун 1985-жылы КазТАГдын чет өлкөлөр боюнча союздук маалымат бөлүмүнүн редактору болуп баштаган. Андан кийин Москва мамлекеттик университетинин журналистика факультетинин аспирантурасына тапшырган. Аны 1988-жылы аяктаган.
2007-2008-жылдары Казакстандын президентинин басма сөз катчысы болгон.
Ал ошондой эле “Арна Медиа” Улуттук маалымат холдингинин башкармалыгынын төрагасы, “Самрук-Казына” улуттук бакубаттык фондунун башкаруучу директору, директору жана “НУР-Медиа” холдингинин башкы директору болгон.
2023-жылдын 25-августунда президенттин жарлыгы менен Казакстандын Беларусь Республикасындагы Атайын жана Ыйгарым укуктуу Элчиси, КМШнын уставдык органдарындагы штаттан тышкаркы өкүлү болуп дайындалган.
