Өзбек-тажик чек арасындагы «Ойбек» бекетинде ири өлчөмдө маңзат алып бараткан автоунаа кармалды. Бул тууралуу Ташкент облустук бажы башкармалыгынын басма сөз кызматы билдирди.
Маалыматка караганда, баңгизат газ баллонуна (49 таңгак) жана автоунаанын бензин куйган жерине (31 таңгак) катылган.
Кармалган жарандар мындай жол менен Өзбекстанга 52,8 килограмм гашиш, 2 килограммдан ашык героин жана курамында 950 грамм синтетикалык маңзат бар клей алып кирүүгө аракет кылышкан.
Учурда бул факты боюнча тергөөгө чейинки текшерүү иштери жүрүүдө.
