Түркиянын Балыкесир провинциясында болгон жер титирөөнүн кесепетинен алдын ала маалыматтар боюнча бир имарат урап, дагы 24 имарат жабыркады.
Бул тууралуу Табигый кырсыктарды башкаруу башкармалыгы (AFAD) 10-августта билдирди.
“Учурда 112 тез жардам кызматына жабыркоолор боюнча 24 билдирүү келип түшкөн, текшерүү иштери уланууда. Сырдыргы аймагында 1 имарат урап түшкөн”, — деп жазган башкармалык X социалдык баракчасынан.
Маалым болгондой, жеринде 319 адам жана 79 атайын техника иштеп жатат.
AFAD билдиргендей, Түркиянын батышындагы жер титирөөдөн кийин күчү 5 баллга жеткен 20 жер титирөө (афтершок) катталган.
Буга чейин Түркиянын батышында күчү 6,1 баллга жеткен жер титирөө болгон. Жер титирөөнүн очогу Балыкесир провинциясында, 11 чакырым тереңдикте болгон. Жер титирөө өлкөнүн батышындагы кеминде 10 райондо 20-30 секунддай сезилгени айтылды.
Алдын ала маалыматтар боюнча, Балыкесир провинциясында бир адам каза болуп, жабыркаган төрт адам ооруканага жаткырылган.


















