Түркия Израиль менен дипломатиялык мамилесин токтотту. Бул тууралуу өлкөнүн президенти Режеп Тайып Эрдоган билдиргенин РИА Новости агенттиги жазды.
«Биз Түркия Республикасынын мамлекети жана өкмөтү катары Израиль менен мамилебизди үздүк. Учурда Израиль менен эч кандай мамилебиз жок», – деди ал.
Эрдоган Анкара келечекте кызматташтыкты өнүктүрүү үчүн эч кандай кадам таштабай жатканын кошумчалады.
Түркия 2023-жылдын октябрында Газа тилкесинде Израиль армиясы операциясы башталгандан бери Тель-Авивдин аракеттерин айыптап, аны палестиналык жайкын тургундарды массалык түрдө өлтүрүүдө деп айыптап келет. Анкара бир нече жолу ок атышууну токтотууга чакырган.
Май айынын башында Түркиянын Соода министрлиги Израиль менен соодасын толук токтоткондугун билдирген. Анын алдында Анкара товарлардын 54 түрүн экспортун чектеген, бирок Израилдин аскерлери Газадагы согушту уланта берген.
Израилдин премьер-министри Биньямин Нетаньяху да жеке өзү бир нече жолу сынга алынган. Анын үстүбүздөгү жылдын июль айында АКШ Конгрессинде сүйлөгөн сөзү Капитолийдеги согушка каршы нааразылык акцияларын гана эмес, Түркиянын саясатчыларынын, анын ичинде Эрдогандын катаал реакциясын жараткан. Ал Израилдин министрлер кабинетинин башчысын “колунда 150 миң газалыктын каны бар касапчы” деп атаган. Буга чейин ал Нетаньяхуну “заманбап фюрер” деп атап, Батыш анын кылмыштарына көңүл бурбай жатканын баса белгилеген.


















