Түркиянын улуттук электромобилдерди чыгаруучу TOGG компаниясы өзүнүн жакын арадагы планын ачыкка чыгаргандыгын TRT World телеканалы билдирди.
Мурда Түркия өзүнүн автомобиль өнөржайы менен дээрлик аты чыккан эмес, бирок жасалма интеллекти, селфи-камерасы жана башка жогорку технологиялуу функциялары менен жабдылган электр кроссовери өлкөнүн ичинде да, чет мамлекеттерде да чоң кызыгууну жаратты.
Компания азырынча T10X деп аталган жаңы эки моторлуу кроссовердин баасы сырткы рынокто канча экендигин айта элек, бирок өз өлкөсүндө 1,4 миллион лирден же 43 миң АКШ долларынан башталат.
Дизайн VW компаниясынын мурдагы башкы дизайнер Мурат Гюнак тарабынан жасалып, бирок радиаторунун салттуу решеткасына карабай T10X новаторлук технологиялар менен жабдылган.
Компания кубаттуулугу 52,4 же 88,5 кВт/саат аккумуляторлорду 523 километрге жете турган кылып өзү жасайт. Ал эми күч агрегаттары өзүнчө арткы дөңгөлөгү жакка орнотулат. Айтор T10X толук бойдон төрт дөңгөлөгү тартып иштей алат. Ылдамдыгы ордунан жылганда 4,8 секундда саатына 100 километрге чейин жетет. Максималдуу ылдамдыгы саатына 185 километр деңгээлинде деп көрсөтүлгөн.
“Тоггдун” кабинасында экран орнотулуп, ал жабдык панелинин бүтүндөй туурасын ээлейт жана адамдын жүзүн толук көрсөткөн камерадан баштап, селфи жасоо менен жасалма интеллекти бар радиого чейин бар.





















