Сапардын биринчи күнүндө мамлекет башчысы Садыр Жапаров Өзбекстандын президенти Шавкат Мирзиёев менен сүйлөшүүлөрдү жүргүзүп, эртеси Борбор Азия мамлекеттеринин башчыларынын жетинчи консультативдик жолугушуусунда сөз сүйлөдү.
Бул тууралуу мамлкет башчысынын басма сөз кызматы кабарлады.
Белгиленгендей, эки мамлекеттин лидерлери эки тараптуу жолугушуусунда кыргыз-өзбек кызматташтыгын мындан ары да чыңдоо маселелерин талкуулашкан. Анын ичинде саясий диалогду өнүктүрүү, соода-экономикалык байланыштарды чыңдоо, биргелешкен долбоорлорду ишке ашыруу, ошондой эле эки өлкөнүн ортосундагы ишеним жана ынак коңшулук мамилелерди бекемдеген маданий-гуманитардык байланыштарды кеңейтүү маселелери каралды.
“Ал чөлкөмдө ишенимди жана биримдикти чыңдоонун маанилүүлүгүн белгилеп, Борбор Азия өлкөлөрүнүн эл аралык аянтчалардагы позицияларын координациялоо зарылдыгын белгиледи. Президент транспорттук инфраструктурага токтолуп, “Кытай – Кыргызстан – Өзбекстан” темир жолун жана башка транзиттик долбоорлорду куруунун стратегиялык маанисин баса көрсөтүп, ошондой эле ташууларды жөнөкөйлөтүү үчүн бирдиктүү электрондук платформа түзүүнү сунуштады”,- деп айтылат маалыматта.
Мындан сырткары, мамлекет башчылар бир катар көп тараптуу документтерге, анын ичинде Борбордук Азия мамлекеттеринин башчыларынын БУУнун мүчө-мамлекеттерине Кыргызстандын БУУнун Коопсуздук кеңешинин 2027-2028-жылдарга туруктуу эмес мүчөлүгүнө талапкерлиги боюнча кайрылуусуна кол коюшту.
Ошондой эле, президент экономикалык чөйрөдөгү кызматташтыкты чыңдоо контекстинде соода-экономикалык жана инвестициялык кызматташтыкты сапаттуу өркүндөтүү жалпы негизги милдет болуп саналарын белгиледи.
“Кытай – Кыргызстан – Өзбекстан” стратегиялык маанилүү темир жолунун курулушу жөн гана байланыштырбастан, өлкөлөрүбүзгө Азиянын жана Европанын эң ири базарларына эң кыска жолду ачуу менен логистиканы өзгөртөт.
Бул контекстте Зангезур коридорун куруу долбоору “Кытай – Кыргызстан – Өзбекстан” темир жолунун логикалык жана стратегиялык уландысы катары каралууда. Транспорт тармагындагы өз ара аракеттенүүнүн натыйжалуулугун жогорулатуу максатында, бажы маалыматтарын алмашуу жана уруксат берүүчү документтерди “бирдиктүү терезе” принциби боюнча тариздөө үчүн “Санарип транзиттик коридор” бирдиктүү электрондук платформасын иштеп чыгууну жана ишке киргизүүнү сунуштайм”, – деди мамлекет башчысы.
Саммиттин жыйынтыгында мамлекет башчылары бир катар көп тараптуу документтерге кол коюшту, анын ичинде БУУнун мүчө мамлекеттерине 2027-2028-жылдарга БУУнун Коопсуздук Кеңешинин туруктуу эмес мүчөсү болуп шайланышын колдоо боюнча кайрылуу кабыл алынды.


















