АКШнын жаңы шайланган президенти Дональд Трамп Панаманын лидери Хосе Раул Мулинонун Панама каналын АКШнын менчигине кайтаруудан баш тартканына өзүнүн Truth Social социалдык тармагында кыскача жооп берди.
Бул тууралуу РИА новости маалымат агенттиги “Панама президентинин каналды кайтарып берүүдөн баш тартканына Трамп кескин реакция жасады”,- деп жазды.
“Көрөбүз!”, – деп жазган Дональ Трамп.
Ал жекшемби күнү, Панама каналы аркылуу өтүүдө жогорку тарифтерден улам тез арада Американын менчигине кайтарылышын талап кылаарын айткан.
Трамп Панама каналы американын соодасы үчүн, ошондой эле Атлантика жана Тынч океандарда АКШнын согуш-деңиз күчтөрүн оперативдүү жайгаштыруу үчүн маанилүү мааниге ээ экендигин баса белгиледи.
Ал кошумчалагандай, АКШ каналды эң көп колдонуп, ал аркылуу бардык өткөөлдөрдүн 72 пайыздан ашыгын түзөт.
Мулино Дональд Трамптын билдирүүсүнө комментарий берип жатып, канал Панамага таандык экенин, өлкөнүн эгемендүүлүгүн сүйлөшүүгө болбойт деп жооп берди.
Ал ошондой эле тарифтер мода эмес экенин кошумчалап, рыноктук шарттарды, эл аралык атаандаштыкты, эксплуатациялык чыгымдарды, океан аралык суу жолун тейлөө жана модернизациялоо муктаждыктарын эске алуу менен ачык жана калыс аудитория үчүн түзүлөрүн билдирген.
Панама каналы – Борбордук Америкадагы Панамадагы жасалма суу жолу, эң төмөнкү жеринде Панама Истмусун кесип өтүп, Атлантика менен Тынч океандарды бириктирет. Эл аралык маанидеги эң маанилүү транспорттук суу жолдорунун бири. XX кылымдын башында америкалыктар тарабынан курулган канал 1977-жылы АКШнын президенти Жимми Картер менен өлкөнүн ошол кездеги де-факто лидери Омар Торрихостун ортосунда келишимдерге кол коюлгандан кийин нейтралдуу болуп калган. Ага ылайык? Панама бул трансокеандык жолду көзөмөлгө алат. Канал тынчтыкта да, согушта да бардык мамлекеттердин кемелеринин коопсуз жана ачык транзитине кепилдик берет.


















