27-июнда, Жогорку Евразия экономикалык кеңешинин Минск шаарындагы жыйынынын жыйынтыгы боюнча бир катар документтерге кол коюлуп, кабыл алынды.
Алар:
– “Евразиялык экономикалык комиссиясынын коллегия мүчөлөрүнүн ортосунда иш чөйрөлөрү боюнча милдеттерди бөлүштүрүү механизми жөнүндө” чечим;
– “2014-жылдын 29-майындагы Евразия экономикалык бирлиги жөнүндө келишимге өзгөртүүлөрдү киргизүү тууралуу протоколго кол коюу жөнүндө” протокол («IV Чоң» протокол);
– “Евразия экономикалык бирлигине мүчө-мамлекеттердин Транспорт тармагындагы ыйгарым укуктуу органдарынын жетекчилеринин кеңеши жөнүндөгү жобого өзгөртүүлөрдү киргизүү жөнүндө” чечим;
– “Табигый монополия субъекттеринин ишин жөнгө салуунун бирдиктүү принциптери жана эрежелери жөнүндө протоколдун (2014-жылдын 29-майындагы Евразия экономикалык бирлиги жөнүндө келишимге № 20 тиркеме) 2-пунктунун 5-пунктчасына ылайык маалымат берүү жөнүндө” тескеме;
– “Евразия экономикалык бирлигине мүчө-мамлекеттер тарабынан 2023-2024-жылдары Кызмат көрсөтүүлөр, мекемелер жана ишмердүүлүк менен сооданы жөнгө салуу эрежелеринде каралган жоболордун аткарылышына мониторинг жүргүзүүнүн жыйынтыктары жөнүндө” чечим;
– “Евразия экономикалык бирлигинин алкагында кызмат көрсөтүүнүн айрым секторлору боюнча либералдаштыруу пландарын ишке ашыруу жөнүндө” тескеме;
– “ЕАЭБ алкагында спорт жаатындагы экономикалык кызматташтыктын негизги багыттары жөнүндө” чечим;
– “Евразия экономикалык комиссиясынын коллегия мүчөсүнүн ыйгарым укуктарын мөөнөтүнөн мурда токтотуу жөнүндө” чечим;
– “Евразия экономикалык комиссиясынын коллегия мүчөсүн дайындоо жөнүндө” чечим;
– “Жогорку Евразия экономикалык кеңешинин кезектеги жыйынын өткөрүү убактысы жана орду жөнүндө” тескеме.
Евразия экономикалык кеңешинин кезектеги жыйынына Евразия экономикалык бирлигинин мамлекет башчылары – Кыргызстандын президенти Садыр Жапаров, Армениянын премьер-министри Никол Пашинян (видеоконференция форматында), Беларустун президенти Александр Лукашенко, Казакстандын президенти Касым-Жомарт Токаев, Россиянын президенти Владимир Путин жана Евразия экономикалык комиссиясынын коллегиясынын төрагасы Бакытжан Сагинтаев, ошондой эле ЕАЭБге байкоочу-мамлекеттер – Өзбекстан, Куба жана чакырылган коноктор – Монголия, БАЭ башчылары катышты.



















