Таластагы “Тайсон” каймана аты менен белгилүү болгон К. Көлбаевдин уюшкан кылмыштуу тобунун “смотрящийи” УКМК тарабынан кармалды. Бул тууралуу коопсуздук органынын маалымат кызматы билдирди.
“Тайсон” компроматтык маалыматтарды орган кызматкерлерине берем деп Таластагы унаамектептин мугалимин коркутуп, кысым көрсөтүп, 70 000 сом талап кылган. Анын 30 000 сомун алып жатканда колго түшүп, тинтүү учурунда жанынан салмагы 20 граммды түзгөн кочкул жашыл түстөгү өзгөчө жыты бар зат (кара куурай) табылган.
Белгилей кетүүчү жагдай, 4-октябрда Бишкекте “Мыйзамдагы ууру” К. Көлбаев атайын кызмат тарабынан жүргүзүлгөн операция учурунда жок кылынган. УКМК мындай кадам анын куралдуу каршылык көрсөткөндүгү үчүн жасалгандыгын билдирген.
