Кыргызстандын улуттук курама командасы XIX жайкы Азия оюндарында 18-орунду ээледи.
Бул тууралуу Дене трабия жана спорт департаментинен билдиришти.
Азия оюндары 23-сентябрдан 8-октябрга чейин Кытайдын Ханчжоу шаарында өттү.
Оюндарга Кыргызстандын 162 спортчусу спорттун 23 түрү боюнча катышты. Жалпы эсеп боюнча улуттук курама команда 15 медаль: 4 алтын, 2 күмүш жана 9 коло медаль жеңип, 18-орунду ээледи.
Азия оюндарында биринчи орунду Кытай алды. Кыйтайлык спортчулар жалпы 383 медаль: 201 алтын, 111 күмүш жана 71 коло байге алышты.
Экинчи орунга Япония, үчүнчү Түштүк Корея жана төртүнчү орунга Индия чыкты.
Өзбекстандын курама командасы жалпы 71 медаль: 22 алтын, 18 күмүш жана 31 коло медаль менен бешинчи орунга жайгашты.
Ирандык спортчулар 54 медаль: 3 алтын, 21 күмүш жана 20 коло байге менен 7-орунга, Казакстан 80 медалл: 10 алтын, 22 күмүш жана 48 коло медаль менен 11-орунга турду.
Кыргызстандан ылдыйда Тажикстан – 24-орунга (7 медаль: 2 алтын, 1 күмүш жана 4 коло) жана Түркмөнстан – 29-орунга (7 медаль 1 күмүш жана 6 коло) чыкты.
