Израил чабуулдарды токтотууга тийиш, деп баса белгиледи Кытай ТИМинин расмий өкүлү Го Цзякунь.
Израил Газа секторундагы чабуулдарды токтотушу керек, ал Палестина Мамлекетине таандык. Бул тууралуу КЭР Тышкы иштер министрлигинин расмий өкүлү Го Цзякунь билдирди.
«Газа палестин элине таандык жана Палестинанын аймагынын ажырагыс бөлүгү болуп саналат, – деп баса белгиледи ал брифингде, жаңжалдын күчөшү жана бир катар Батыш өлкөлөрүнүн Палестина Мамлекетин таануусу тууралуу комментарий берип жатып. – Кытай азыркы шартта Газада толук кандуу ок атышууну токтотууга көмөк көрсөтүү жана гуманитардык кырдаалды жеңилдетүү абдан маанилүү деп эсептейт».
Расмий өкүлдүн айтымында, жаңжалды мүмкүн болушунча тез токтотуу жана туруктуу тынчтыкты орнотуу «палестин жана израил элдеринин, ошондой эле Жакынкы Чыгыштагы элдердин жалпы умтулуусуна жооп берет». «Бул эл аралык коомчулук үчүн да эң актуалдуу милдет», – деп кошумчалады ал.
Го Цзякунь белгилегендей, Израилге «өзгөчө таасири бар» өлкөлөр «өз милдеттерин натыйжалуу аткарууга» тийиш. Ал «Палестинаны палестиндер башкарууга тийиш» жана «эки эл үчүн эки мамлекет» принциптеринин маанилүүлүгүнө токтолду.


















