Казакстандын улуттук авиакомпаниянын имаратында өткөн брифингде “Казакстан темир жолу” улуттук компаниясынын башкармалыгынын төрагасынын орун басары Ануар Ахметжанов өлкөдөгү поезддерди Starlink компаниясынын жогорку ылдамдыктагы интернети менен камсыздоо планы бар экендигин билдирди.
Бул маалыматты Zakon.kz басылмасы жазды.
А. Ахметжановдун айтымына караганда, жогорку ылдамдыктагы интернет биринчи кезекте “Тальго” поезддерине орнотулат. Бул 2025-жылдын аягына чейин ишке ашары күтүлүүдө.
“Starlink рынокко жаңы эле чыкты, биз аны ишке киргиздик. Эми интернетти эки стандарттуу поездге орнотобуз. Байланыш сапаты жакшы, бирок биздин өлкө чоң. Ошондуктан башка аймактарда кандай болорун сынап көрүшүбүз керек. Технологиялык көз караштан алганда, бул интернетти “Тальго” поезддерине жеткирүү эң оңой. Ошондуктан, Тальгодогу 25 поездди туташтырууну пландап жатабыз”, – деди Ахметжанов.
Ал билдиргендей, бул технология пилоттук режимде көрүлөт. Эгер ийгиликтүү ишке ашса, анда долбоор кеңейтилет.
Буга чейин Санариптик өнүгүү, инновациялар жана аэрокосмостук өнөр жай министрлиги менен Илон Масктын SpaceX компаниясынын долбоору Казакстанда спутниктик интернет менен камсыз кылуу боюнча келишимге кол коюшкан.
Документке ылайык, казакстандыктар Starlink терминалдарын расмий түрдө сатып алып каттала алышат.



















