El Pais: Испанияда ондогон адамдар келемиш гепатити менен ооруп калды.
Испаниялык иликтөөчүлөр бир нече адам жаңы жана табышмактуу ооруу – келемиш гепатити Е (Rocahepevirus ratti) менен ооруп калышкандыгын аныкташты. Бул тууралу El Pais газетасы билдирди.
Аталган басылманын белгилөөсүндө, бул вирус алгач 2010-жылы Германияда аныкталган. Ал адамдарга жукпайт деп эсептелген, бирок 2018-жылы Гонконгдо биринчи жолу инфекцияланган адамды тастыкташкан.
«Биз 40 учурду аныктадык, 10 ооруканада белгисиз генездеги курч гепатит жугузган 250дөн ашык ооруулууларга анализ жүргүзгөндө, алардын 14 пайызы бул группага окшош диагнозду көрсөттү. Бул ооруулуулар иммунитети начарлаган, ошондой эле иммунокомпетенттүү адамдар болушкан», — деп билдирди Кордоведеги Маймонидес гепатитке адистешкен биомедициналык иликтөөлөр боюнча адис Риверо Хуарес.
Анын айтуусунда, 30 пайызга жакын шаардагы келемиштер вирустун алып жүрүүчүлөрү болуп саналат. Вирус адамдарга жуга тургандыгы так белгилүү, бирок эки гипотеза бар. Биринчисине ылайык, жаныбарлар вирусту фекалия, сыягы сийдик (моча) аркылуу бөлүп чыгарат жана тамак-аштар, суюктуктар, ар кандай буюмдарды коючу жайлар жана адамдар колдоно турган аспаптарга вирус жугузат. Экинчи теорияга ылайык, ээси менен дайыма байланышта болгон симптому жок жаныбарлардын башка түрү бар.
Эксперттердин белгилөөсүндө, башка өлкөлөрдө келемиштерде вирус жана гепатит учуру аз кездешет деп айтууга негиз жок.
Мындан мурда Нигеряда жаңы ооруу таркай баштагандыгы белгилүү болгон. Ооруунун биринчи учуру Замфара штатындагы Марадун, Шинкафи жана Гусау айылдарында аныкталгандыгы такталды.
















