Ушул жылдын 6-7-май күндөрү футзал боюнча Кыргызстандын Кубогунун финалдык оюндары өттү.
Беттештердин алгачкы күнү жарым финалдык оюндар өтүп, анда ОшМУнун “Университет” командасы “Алайды” 4:2 эсебинде жеңип алды. Ошентип бул курама тарыхта алгачкы жолу финалга жолдонмо алды.
Ал эми жарым финалдын экинчи оюнунда “Дордой” “Каракол” командасын 5:2 эсебинде жеңип, алар да финалга чыкты.
Натыйжада “Университет” менен “Дордой” командалары кыл чайнашкан беттеш өткөрүшүп, оюн 5:3 менен “Университеттин” пайдасына жыйынтыкталды. Ошентип тарыхта алгачкы жолу ОшМУнун командасы Кыргызстандын Кубогун жеңип алды.
Акыркы жылдары Кыргызстанда кичи футбол оюна жанданып, оюнчулар айтаарлык жакшы ийгиликтерди жаратышууда. Тактап айтканда, быйыл Улуттук курамабыз дүйнөлүк беттешке жолдомо ала албаса да, Тайландда өткөн Азия Кубогунда учурдагы чемпион Япониянын курамасын жеңип, сенсация жаратышканы көпчүлүктүн көңүлүн бурду.
Ал эми быйыл алгачкы жолу чыгарылган Дүйнөлүк рейтингде футзал боюнча 139 мамлекеттин Улуттук кураманын ичинен 41-орунга жазылды.



















