АКШдагы маркетингдик иликтөөлөр Өзбекстандын дыйкандары өстүргөн “Хусайни” сортундагы жүзүмдүн бул өлкөгө экспорттолгон алгачкы партиясы америкалык керектөөчүлөрдүн арасында чоң суроо-талапты жараткандыгын “Дунё” маалымат агенттигинин кабарчысы билдирди.
Үстүбүздөгү жылдын ноябрь айынын башында Фергана облусунун Алтыарык районунан биринчи жолу Нью-Йоркко экспорттолгон бир тонна жүзүм жергиликтүү жашоочулар тарабынан толугу менен сатып алынган. Андыктан жаңы, көбүрөөк көлөмдөгү жүзүмдү жеткирүү боюнча сүйлөшүүлөр жүргөн. Анын жыйынтыгында «E.L.A. Superior Produce Inc.» (АКШ) жана «Серахун» ЖЧКнын (Фергана облусу) ортосунда 2 миллион доллар суммасындагы жаңы кошумча экспорттук келишимге кол коюлган.
Бул келишимге ылайык, Ферганадан 250 тонна жүзүм самолёт менен Нью-Йорктогу “NetCost” азык-түлүк соода борборлорунда дайыма сатуу үчүн жеткирилмекчи.
Азыркы учурда өзбек дипломаттары Өзбекстандан АКШ жана Канадага кургак мөмө-жемиштерди экспорттоо үчүн жигердүү иштерди жүргүзүшүүдө.















