2025-жылдын июнунда дүйнөлүк электромобилдердин сатылышы 24%га өстү.
2025-жылдын биринчи алты айында дүйнө жүзү боюнча электромобилдердин соодасы өткөн жылдын ушул мезгилине салыштырмалуу 28% га өсүп, жалпы 9,1 миллион бирдикти түздү.
Бул тууралуу Британиянын изилдөөчү компаниясы Rho Motion маалымдады.
Маалыматка ылайык, үстүбүздөгү жылдын июнь айында электромобилдер менен плагин-гибриддердин жамааттык сатуусу былтыркыга салыштырмалуу 24% га көбөйүп, 1,8 миллион автоунаага жетти.
2025-жылдын биринчи жарым жылдыгынын жыйынтыгы боюнча Кытай электромобил сатуу боюнча талашсыз лидер болду. Дүйнөлүк электромобил сатуу көлөмүнүн ичинен 5,5 миллиону Кытайда сатылган. Январь-июнь айларында Кытайдагы электромобилдердин сатуусу өткөн жылга салыштырмалуу 32% га өскөн. Бул темп жылдын экинчи жарымында да сакталары күтүлүүдө.
Ал эми үстүбүздөгү жылдын январь-июнунда Европада электромобил сатуу 26% га көбөйүп, 2 миллион бирдикке жетти.
Бирок Түндүк Америкада (АКШ, Канада жана Мексика) электромобил рыногу 3% га чейин төмөндөдү. Бул аймакта алты ай ичинде болгону 900 миң электромобил сатылган.
Ал эми башка дүйнө аймактарында электромобилдердин сатуусу ушул эле мезгил аралыгында 40% га өсүп, 700 миң автоунаага жетти.
Ошентип, дүйнөнүн калган аймактарында электромобил жана плагин-гибриддердин жамааттык сатуу көлөмү 2025-жылдын биринчи жарым жылдыгында 700 миң автоунааны түздү.
