Кыргыз Республикасынын Президенти Садыр Жапаров кол койгон Жарлыкка ылайык, Кыргыз Республикасынын Малайзиядагы Атайын жана Ыйгарым укуктуу Элчиси Жумаев Алтынбек Мусаевич ээлеген кызматынан бошотулду. Бул тууралуу мамлекет башчынын маалымат кызматы билдирди.
Бирок А. Жумаевдин элчилик кызматтан эмне себептен бошотулгандыгы жазылган эмес.
Белгилей кетүүчү жагдай, Алтынбек Жумаев 2021-жылдын аягынан тарта президенттин маалымат кызматын жетектеп, өткөн жылдын августунда кеңешчи кызматына которулган. Декабрда башка ишке өткөнүнө байланыштуу бошотулган болчу.
31-майда Малайзияга элчи болуп дайындалган.
