АКШнын Глобалдык Медиа Агенттиги (USAGM) «Эркин Европа/Эркин Радио» (RFE/RL) үчүн грантты убактылуу калыбына келтирди. Бул тууралуу Медуза агенттиктин билдирүүсүнө шилтеме берип маалымдады.
Каржылоонун калыбына келиши Вашингтондогу федералдык округдук соттун 26-марттагы чечиминин негизинде ишке ашты. Сот RFE/RLдин USAGM тарабынан каржылоонун токтотулушуна каршы берген доо-арызын колдоп, иш толугу менен каралып бүткөнгө чейин агенттик «Эркин Европа/Эркин Радиосунун» жабылышына алып келүүчү чараларды токтотушу керек деп чечим чыгарды.
RFE/RLдин билдирүүсүндө, бул чаралардын катарына 15-мартта USAGMдин RFE/RLге Конгресс бөлүп берген каражаттарды алуу укугунан ажыратуу чечими кирет.
Тема боюнча
«USAGMдин жетекчилиги бир гана сүйлөм менен, дээрлик негиздемесиз, RFE/RLдин ишин токтотууга мажбурлай албайт – президент мындай көрсөтмө берген күндө да», – деп белгиледи сот.
АКШнын президенти Дональд Трамп 14-мартта федералдык өкмөттүн жети агенттигинин функцияларын жана кызматкерлерин кыскартуу боюнча буйрук чыгарган.
10 өлкө «Эркин Радио» үчүн альтернативдүү каржылоо издөөдө
Европа Биримдигинин 10 мамлекети «Эркин Радио» үчүн альтернативдүү каржылоо булактарын табууга даяр экенин билдиришти. Бул өлкөлөрдүн катарына АКШнын Глобалдык Медиа Агенттиги (USAGM) да кирет. Бул агенттик «Америка добушу» (Voice of America) жана «Эркин Европа/Эркин Радио» сыяктуу ири америкалык медиакорпорацияларды башкарат.
«Америка добушу» ишин убактылуу токтотуп, анын бардык кызматкерлери өргүүгө чыгарылган.
Ал эми «Эркин Европа/Эркин Радио» өз ишмердүүлүгүн улантып, 18-мартта USAGMге жана анын жетекчилерине каршы сотко доо-арыз берген. Алар грантты токтотуу чечимин жокко чыгарууну талап кылышкан.
📻 RFE/RL 1950-жылдан бери иштейт жана АКШ Конгресси аркылуу Глобалдык Медиа Агенттиги бөлүп берген каражаттардын эсебинен каржыланат. Башында радиостанция Чыгыш Европа өлкөлөрүнө, ал эми 1953-жылдан тартып СССРге багытталган берүүлөрдү жүргүзө баштаган.











