22-апрелде Астанага Борбор Азия өлкөлөрүнүн лидерлери келишет.
Казакстандын өкмөтүнүн басма сөз кызматы билдиргендей, борбор калаада Аралды куткаруу боюнча эл аралык фонддун мамлекет башчыларынын кеңешинин жыйыны өтөт.
Аталган фондко Казакстан, Кыргызстан, Тажикстан, Түркмөнстан жана Өзбекстан кирет.
Мамлекет башчыларынын жыйыны үч жылда бир жолудан кем эмес өткөрүлөт. Акыркы жолу мындай жолугушуу 2023-жылы Душанбе шаарында өткөн. Ошондо Казакстандын президенти үч жылдык мөөнөткө фонддун башчысы болуп шайланган.


















