Сирия өлкөдө жаңы экономикалык жана акча-кредит доорунун башталышын символдоштурган жаңы улуттук валютаны чыгарууну жана киргизүүнү чечти. Жаңы валютанын чоо-жайы 28-декабрдагы жыйында жарыяланат.
Бул тууралуу Сириянын Борбордук банкынын төрагасы Абдулкадир аль-Хасрия билдиргенин Anadolu агенттиги жазды.
“Социалдык медиадагы билдирүүсүндө Сирия Борбордук банкынын төрагасы Хасрия жаңы валютаны киргизүү боюнча 2025-жылдагы 293-жарлыктын жарыяланганын билдирди”,- деп айтылат маалыматта.
Хасрия жаңы валюта маанилүү улуттук окуя болуп, жаңы экономикалык жана акча-кредит мезгилинин башталышын чагылдырарын белгилеген.
“Жаңы Сирия валютасы боштондуктан кийинки биздин финансылык көз карандысыздыгыбызды билдирет жана Сирия Борбордук банкынын жетекчилиги астында бардыгынын кызматташтыгы менен курулган жаңы этаптын башталышын белгилейт”,- деди Сирия Борбордук банкынын төрагасы.
Анын айтуусунда, бул улуттук жетишкендик. Ошондой эле боштондуктан бери жетишилгендерге кошумча жана туруктуулукка, экономикалык калыбына келүүгө карай бекем кадам болот.
Эскерте кетсек, буга чейин Сирия бийлиги банкнотко болгон ишенимди калыбына келтирүү максатында жаңыларын чыгарууну жарыялаган. Ошондой эле банкнотторду басып чыгаруу боюнча россиялык мамлекеттик “Гознак” ишканасы менен келишимге жетишкенин билдиришкен.















