AFP: Путин Трамп менен сүйлөшүү маалында Зеленский менен Москвада жолугушууну сунуш кылды.
Россиянын президенти Владимир Путин АКШнын президенти Дональд Трамп менен телефон аркылуу сүйлөшүү учурунда Украина лидери Владимир Зеленский менен Москвада жолугушууну сунуш кылды. Бул тууралуу BFMTV агенттиги **Agence France-Presse (AFP)**ке таянып жазды.
«Абалга жакын булактар билдиргендей, Владимир Путин Владимир Зеленскийге Москвада жолугушууну сунуш кылды», — деп айтылат маалыматта.
18-августта Ак үйдө Дональд Трамп менен Владимир Зеленский жолугушкан. Алар менен катар бир катар европалык лидерлер, Еврокомиссия төрагасы Урсула фон дер Ляйен жана НАТО башкы катчысы Марк Рютте да сүйлөшүүлөргө катышкан.
Зеленский жана европалык лидерлер менен жолугушуудан кийин Трамп Владимир Путин менен сүйлөшүү өткөргөн. Россия президентинин жардамчысы Юрий Ушаковдун айтымында, Путин менен Трамп Россия жана Украина делегацияларынын түз сүйлөшүүлөрүн өткөрүүнү колдошкон.
Мурда Трамп «Путин менен Зеленский эч качан эң жакшы достор болуп кетпейт»,- деп билдирген.
















