Аргентинанын өкмөтү дүйшөмбү күнү Римде каза болгон Рим папасы Францисктин өлүмүнө байланыштуу жети күндүк улуттук аза күтүү жарыялады.
Ал эми дүйнөлүк мамлекет башчылары Рим папанынын тынчтыкты, социалдык адилеттүүлүктү жана диндер аралык диалогду чыңдоого кошкон салымын белгилешүүдө. Алар Рим папасы Францисктин каза болгондугуна байланыштуу көңүл айтып, анын тынчтыкка, социалдык адилеттүүлүккө жана диндер аралык диалогго кошкон салымын жогору баалашып, эскеришүүдө.
Еврокомиссиянын төрагасы Урсула фон дер Ляйен Рим папасы миллиондогон адамдарды жөнөкөйлүгү жана жакырларга болгон сүйүүсү менен шыктандырганын баса белгиледи.
Ал анын мурасы мындан ары да адамзатты адилеттүү жана тынч дүйнөгө алып барат деген үмүтүн билдирди.
Еврокеңештин төрагасы Антонио Коста Рим папасы Франциск климаттын өзгөрүшү жана миграция сыяктуу актуалдуу глобалдык маселелерди көтөрүүдө активдүү болгонун белгиледи.
НАТОнун баш катчысы Марк Рютте Папанын өлүмүнө терең кайгыруу менен анын миллиондогон адамдарды шыктандырган тынчтык жана боорукердикке берилгендигин баса белгиледи.
Орусиянын президенти Владимир Путин көңүл айтып, Папа орус православдык жана рим-католик чиркөөлөрүнүн ортосундагы диалогду, ошондой эле Орусия менен менен Ыйык тактын ортосундагы конструктивдүү кызматташтыкты өнүктүрүүгө жигердүү колдоо көрсөтүп жатканын белгиледи.
Кыргызстандын президенти Садыр Жапаров кардинал Кевин Фаррелге Рим папасы Францисктин каза болгонуна байланыштуу көңүл айтуу телеграммасын жөнөттү.
Казакстандын президенти Касым-Жомарт-Токаев Рим папасы Францисктин каза болгонуна байланыштуу көңүл айтып, өзүнүн социалдык тармагы аркылуу жазды.
«Рим Папасы Франциск биздин жүрөгүбүздө тынчтыктын улуу чабаны жана конфессиялар аралык диалог менен ынтымактын ырааттуу жактоочусу катары түбөлүккө сакталат», – деп жазды Токаев.
Украинанын президенти Владимир Зеленский Рим папасы Франциск тиленүү аркылуу үмүт берип, азап-кайгыларды жеңилдетип, биримдикти бекемдөөгө жөндөмдүү экенин белгиледи.
Француз лидери Эммануэль Макрон белгилегендей, Рим папасы Франциск адамдарды бири-бири менен жана жаратылыш менен байланыштырып, коомдун эң жакыр катмарына кубаныч жана үмүт тартуулоого аракет кылган.
Италиянын премьер-министри Джорджия Мелония жоготууга терең кайгырып, Папа менен дос болуу жана анын көрсөтмөлөрүн аткаруу ал үчүн чоң сыймык экенин баса белгиледи.
Германиянын президенти Франк-Вальтер Штайнмайер өз кайрылуусунда Рим папасы Франциск үмүттүн символу, адамзаттын коргоочусу жана ак ниет христиан экенин белгиледи.
Улуу Британиянын премьер-министри Кир Стармер Папанын өлүмүнө терең кайгыруу менен, анын кыйын мезгилдеги лидерлигин жана анын уланган момундугун мактады.
Ирландиянын президенти Майкл Хиггинс Папа Франциск элди шыктандырып жаткан тынчтык, ынтымак жана тилектештик мурасын калтырды.
Индиянын премьер-министри Нарендра Моди Папанын өлүмүнө терең кайгыруу менен анын инклюзивдүү өнүгүүгө жана Индия элине болгон сүйүүсүн баса белгиледи.
Көнүл айткан дүйнөлүк лидерлердин катарында Беларустун президенти Александр Лукашенко, Азербайжандын президенти Ильхам Алиев жана башка өлкө башчылары да бар.























