Түркмөнстанда жаңы 2024-жылды «Алем» борбордук аянтындагы өлкөнүн башкы балатысынын жанында масштабдуу салтанат менен тосушту.
Заманбап байланыш каражатынын жардамы менен жана телекөпүрөнүн жардамы аркылуу өлкөнүн баардык беш велаятынын жашоочулары бул салтанатты көрө алышкандыгын TDH маалымат каражаты билдирди.
Кечинде түркүн-түстүү декорация жана жаңы жылдык жасалгалар менен кооздолгон Älem маданий-көңүл ачуучу борборундагы сценикалык аянттын ачылышындамузыка, ыр, бий жана жалындуу тексттердин коштоосунда майрамдык салтанат болду. Сахнада алдыңкы балдардын чыгармачылык коллективдери, ошондой эле белгилүү эстрада ырчылары, фольклордук аткаруучулар жана башка өнөрпоздор өз чыгармаларын тартуулашты.
Салтка айланган майрамдык телекөпүрө жаңы жыл түнү Ашхабадды баардык велаяттардын административдик борборлору жана Аркадаг шаары менен байланыштырды. Өлкө президентин жана баардык түркмөнстандыктарды Жаңы жылы менен ардактуу аксакалдар жана ак чачтуу апалар, акимдер, өлкөнүн баардык бурчундагы эң сыйлуу жашоочулары жана жаш жарандар куттукташты. Майрамдык ыр-бийлер аткарылды.
Жаңы жылдык телекөпүрөнү «Älem» маданий-көңүл ачуучу борборго чогулган жаш жана улуу муундагы өкүлдөр жыйынтыкташты. Алар баардык айылдарда жана аймактарда жашаган мекендештерине ийгиликти, бейпилчиликти жана бакыт-таалайды каалашты. Аларды белгилүү артистер менен бий ансамбльдери майрамдык ыр-бийлер менен коштоп турушту.
Телекөпүрөнүн кульминациялык учуру – баардык катышуучулардын көңүлү телемониторго бурулду: Түркмөнстандын элине жаңы жылдык Кайрылуу менен түз эфирде Президент Сердар Бердымухамедов сүйлөдү.
Бул салтанаттуу минуталарда баардык түркмөнстандыктарды Мекен үчүн эбегейсиз сыймыктануу, алга карай биргеликте кадам таштоо сезимдери бириктирип турду.
Түркмөнстандын башчысы мекендештерин чыгыш календары боюнча Балык жылы деп саналган жаңы 2024-жылы менен чын жүрөктөн куттуктап, өлкөнүн эли аны жаркын кыялдар менен тосуп жаткандыгын баса белгиледи.
«Жаңы жыл биздин элибиз жана өлкөбүз үчүн ийгиликтүү болсун», – деп каллоо-тилек айтты Президент.
Сааттын жебеси циферблаттын жогорку точкасына жакындаганда Түркмөнстандын мамлекеттик гимни жаңырды.
Андан соң майрамдык фейерверктин үнү жаңырды. Түркмөнстан жаңы 2024-жылга жаркын кыял, чоң пландар жана эртеңки күнгө ишеним менен кадам таштады.



















