2024-жылыдын жыйынтыгы боюнча 1223 этникалык кыргыз “Кайрылман” статусун алганын Эмгек, социалдык коргоо жана миграция министрлиги жарыялады.
Министрликтен маалымдалгандай, эгемендүүлүктүн алгачкы жылдарынан бери Кыргызстандын аймагына 70 миңден ашуун этникалык кыргыздар көчүрүлгөн.
Алардын жалпы санынан 65 миң адам Кыргызстандын жарандыгын алышкан.
“Кайрылман” статусу Өзбекстан, Тажикстан, Кытай, Орусия, Түркия, Ооганстан жана башка өлкөлөрдөн келген 1223 этникалык кыргыздарга таандык.
Алар бул статусту алуу үчүн Кыргызстандын расмий бийликтерине? тагыраагы УКМКнын, Ички иштер министрлигинин, Эмгек, социалдык камсыздоо жана миграция министрлигинин жана Санариптик өнүктүрүү министрлигинин, Калкты каттоо департаментинин өкүлдөрүнөн турган ведомстволор аралык комиссияларына кайрылышат.
Кайрылгандардын өтүнүчүн кароонун мөөнөтү 2 айды түзөт.
Ал эми “Кайрылман” статусуна ээ болгон этникалык кыргыздар жөлөкпулдарды жана пенсияларды алууга, саламаттыкты сактоого, билим берүүгө, ишке орноштуруугf укуктуу.
Ошондой эле Кыргызстандын жарандары менен бирдей негизде Жер кодексине ылайык айыл чарба жерлерин кыска мөөнөттүү пайдаланууга ала алышат.
«Кайрылман статусуна ээ болгон этникалык кыргыздар жер кодексине ылайык жөлөкпулдарды жана пенсияларды алууга, медициналык жана санитардык жардам алууга, билим алууга, ишке орношууга көмөктөшүүгө укуктуу, ал эми Кыргыз Республикасынын жарандары менен бирдей негизде Убактылуу пайдаланууга айыл чарба жерлерин алуу», – деп билдирет Эмгек министрлиги.














