АКШнын 82 жаштагы мурдагы президенти Жо Байденге простата безинин рак оорусунун агрессивдүү түрү диагнозу коюлуп, үй-бүлөсү аны дарылоо жолдорун карап жатат. Бул кабарга АКШнын учурдагы президенти Дональд Трамп капа болгонун айтып, Байдендин тезирээк сакайып кетишин каалады.
АКШнын экс-президенти, 82 жаштагы Жо Байденге сөөк метастаздары менен простата безинин рагы диагнозу коюлганын New York Times мурдагы мамлекет башчысынын кеңсесинин билдирүүсүнө таянып жазды.
Диагнозду дарыгерлер Байденге простата безинде «майда шишик» табылгандан кийин койгон.
Маалыматта белгиленгендей, бул рактын эң агрессивдүү түрү. Анда рак клеткалары тез жайылып кетет. Бирок бул оорунун агрессивдүү түрү экендигине карабай аны дарылоого болот.
«Президент жана анын үй-бүлөсү дарыгерлер менен дарылоо жолдорун изилдеп жатышат»,-деп айтылат билдирүүдө.
«Мелания экөөбүз Жо Байдендин акыркы медициналык диагнозу тууралуу кабарга капа болдук. Биз Джилл жана үй-бүлөсүнө эң жылуу жана жакшы каалоолорубузду билдиребиз, ал эми Байденге тезирээк жана ийгиликтүү сакайып кетишин каалайбыз”, -деп жазды Трамп озүнүн Truth Social социалдык тармагы аркылуу.
Мындан тышкары мурдагы президент Барак Обама жана анын жубайы Мишель Обама экс-вице-президент Камала Харрис, АКШнын мурдагы мамлекеттик катчысы Хиллари Клинтон жана башка саясатчылар да анын тез сакайып кетишин билдиришүүдө.
Байден 2025-жылдын январында Ак үйдөн кетип, АКШнын тарыхындагы улгайган президент болуп калды.
Ал 2024-жылы өтө турган президенттик шайлоодон ден соолугуна жана жашына байланыштуу баш тартууга аргасыз болгон.
















