БИШКЕК, 14-декабрь. — Eurasia Today. Бишкекте президент Садыр Жапаровдун катышуусунда футзал боюнча салттуу "Мурас" турнири башталды. Турнирге жалпы 16 команда катышууда.

Алар:

- Президенттин командасы
- Маданият өкүлдөрү – “Өнөр”
- Белгилүү ишкерлер – “Бизнес”
- Массалык маалымат каражаттарынын өкүлдөрү – “Журналисттер”
- Футбол ардагерлери – “Алга”
- Спорт федерацияларынын жетекчилери – "Спорттук федерациялар"
- Жогорку Кеңештин депутаттары – "Жогорку Кеңеш"
- Президенттин облустардагы ыйгарым укуктуу өкүлдөрү, шаарлардын мэрлери, райондордун акимдери – "Аймактар"
- Дин өкүлдөрү – “Ыйман”
- Кыргызстандагы чет мамлекеттердин элчилери – “Элчилер”
- Ооруканалардын башкы дарыгерлери - "Ден соолук"
- Окуу жайлардын директорлору, ЖОЖдордун ректорлору - “Билим”
- Сот бийлигинин өкүлдөрү – “Фемида”
- Күч түзүмдөрүнүн жетекчилери – "Коопсуздук"
- Белгилүү спортчулар – "Спорт жылдыздары"
- Кыргызстандын элдеринин ассамблеясы, диаспора лидерлери – “Достук”.

Чүчүкулактын жыйынтыгы боюнча он алты команда төрт топко бөлүндү:

А тайпасы: “Президенттин командасы”, “Фемида”, “Журналисттер”, “Спорт федерациялары”

В тайпасы: "Жогорку Кеңеш", "Коопсуздук", "Достук", "Бизнес"

С тайпасы: “Алга”, “Элчилер”, “Спорт жылдыздары”, “Билим”

D тайпасы: “Ыйман”, “Өнөр”, “Аймактар”, “Ден Соолук”

Ар бир тайпадан жеңүүчүлөр жана өз тайпаларында экинчи орунду алган командалар жарым финалга чыгышат.

Тайпалардагы оюндар эки жерде өтөт:

- “А” жана “В” тайпасындагы командалар “Газпром” ден соолукту чыңдоо комплексинде ойношот (түз эфир УТРК Спортто);

- “С” жана “D” тайпасындагы командалар Кожомкул атындагы спорт ордосунда ойношот (түз эфир ЭлТРде).

Турнирдин максаты – сергек жашоо образын жайылтуу, өлкөдө футзалды популяризациялоо жана коомдун түрдүү катмарынын өкүлдөрүнүн ортосунда достук жана расмий эмес мамилелерди өнүктүрүү. Турнир жылына эки жолу кышында жана жазында өтөт.