БИШКЕК, 27-январь. — Eurasia Today.  Жаратылыш ресурстары, экология жана техникалык көзөмөл министрлиги Ысык-Көл облусунда калдыктарды өз-өзүнчө чогултуу боюнча цех ачты.

Бул тууралуу ведомствонун маалымат кызматы билдирди.

Маалыматка караганда, таштанды ылгоочу линия Жети-Өгүз районунун Саруу айылында жайгашкан.

"Калдыктарды өз-өзүнчө чогултуу жана кайра иштетүү, аларды пайдалуу продуктыларга айландыруу экологиялык абалды жакшыртууга кызмат кылат, ошондой эле жергиликтүү тургундарды жумуш орундары менен камсыз кылат. Сорттоочу линиянын кубаттуулугу күнүнө 2 тонна", - деп айтылат маалыматта.

Маалыматта пластмасса калдыктарын кайра иштетүү технологиясынын өзү Кыргызстанда мурда колдонулуп келген кайра иштетүү технологияларына карата олуттуу жаңылыкка ээ экени белгиленет.

"Чийки затты жуу алгач кургак ыкма менен жүргүзүлөт, андан ары аба агымы менен нымдуу чөйрөгө өтөт, андан кийин андан ары кургатуу менен сыгуу системасына жана сактоочу бункерге өтөт", - деп айтылат билдирүүдө.

Белгилей кетсек, 2023-жылы Жаратылыш ресурстар министрлиги Ысык-Көл облусунун түндүк бөлүгүндө дагы бир нече сорттоочу линияларды ишке киргизет.