БИШКЕК, 8-декабрь. — Eurasia Today. Беларуста мамлекетке чыккынчылык кылган чиновниктерди жана аскер кызматкерлерин өлүм жазасына тартуу сунушталды.

“Кылмыш-жаза жоопкерчилиги жөнүндө кодекстерге өзгөртүүлөрдү киргизүү жөнүндө” мыйзам долбоорун депутаттар биринчи окууда кабыл алганын  республиканын Улуттук жыйын өкүлдөр палатасынын маалымат кызматы билдирди.

Мындан тышкары Беларус армиясынын жана укук коргоо органдарынын беделине шек келтирип, атайылап жалган маалыматтарды тараткандардын жоопкерчилиги жөнүндө берене киргизилүүдө.

Беларус - Европадагы өлүм жазасы жоюла элек жалгыз өлкө.

Өткөн жылдын май айында Александр Лукашенко теракт жасоого аракет кылгандарды өлүм жазасына тартууга жол берген мыйзамга кол койгон.