БИШКЕК, 22-март. — Eurasia Today. Президент Садыр Жапаровдун Баткен облусуна 20-21-март күндөрү болгон иш сапары жыйынтыкталды.

Мамлекет башчы иш сапарынын жүрүшүндө Лейлек районундагы Исфана шаарынын аталышын Раззаков шаары деп өзгөртүүгө байланыштуу иш-чарага, ошол эле күнү Нооруз майрамына арналган байыркы салт болгон сүмөлөк даярдоого катышты.

21-мартта Баткен шаарынын борбордук стадионунда Нооруз майрамына арналган театралдаштырылган оюн-зоок жана спорттук иш-чаралар болуп өттү.

Салтанатта президент Садыр Жапаров сөз сүйлөп, жалпы кыргызстандыктарды жаз майрамы менен куттуктап, мекендештерине бакубатчылык жана гүлдөп өнүгүү каалады.

Иш сапары аяктап, Мамлекет башчы Бишкек шаарына кайтып келди.