АКШнын операциясы учурунда кармалган Мадуро АКШ анын юристтерге төлөө үчүн колдонулган Венесуэланын каражаттарын бөгөттөө менен аны коргонуу укугунан ажыратканын билдирди.
Венесуэланын президенти Николас Мадуронун адвокаты АКШ анын өзүн-өзү коргоо боюнча конституциялык укугун бузган деп ырастап, АКШ сотунан саясатчыга каршы козголгон кылмыш ишин токтотууну талап кылды.
Бул тууралуу Fars News агенттиги жазды.
Маалыматта АКШ Мадуронун соттук чыгымдарын төлөө үчүн колдонулган Венесуэланын каражаттарын бөгөттөп койгону айтылат.
“Венесуэланын мамлекет башчысы катары Мадуро өзүнүн соттук чыгымдарын Венесуэланын өкмөтү тарабынан каржылоого укуктуу”, – деп жазган адвокат.
Сотко берилген материалдардын арасында Мадуронун өзүнүн юридикалык коргонуусуна каражат төлөй албай тургандыгы тууралуу кол коюлган билдирүүсү бар.
АКШнын Венесуэлага каршы аскерий операциясы
3-январга караган түнү Каракас шаарында жардыруулар болгон. Дональд Трамптын айтымында, АКШ шаарга масштабдуу сокку уруп, президент Николас Мадуро жана анын жубайы Силия Флорес кармалып, өлкөдөн кеме менен чыгарып кеткен. Учурда алар Бруклиндеги тергөө абагында кармалып турушат.
Венесуэланын бийлиги кол салуунун максаты мунай жана минералдык ресурстарды көзөмөлгө алуу болгонун билдирүүдө. Венесуэланын коргоо министри Владимир Падрино Лопес айткандай, чабуулдун кесепетинен 83 адам каза болуп, 112ден ашууну жаракат алган.
Нью-Йорк соту Мадуронун иши боюнча биринчи отурум өткөргөн. Ага «наркотеррордук ишмердүүлүккө байланышкан кутум, кокаинди аткезчилик жол менен ташуу, пулемётторду жана жардыруучу түзүлүштөрдү АКШга каршы колдонуу үчүн сактоо» беренелери боюнча өмүр бою эркинен ажыратуу жазасы коркунучу бар. Саясатчы күнөөсүн моюнга алган жок. Кийинки сот отуруму 17-мартка белгиленген.

















