Кыргызстандык жүк ташуучулар чет өлкөгө каттоого укук алышты

Подробности: Категория: Экономика; Просмотров: 456

456 Категория: Экономика - Published: 23/08 - 11:40

БИШКЕК, 23-август. — Eurasia Today. "Кыргызчеттранс- Ош" ЖЧК мындан ары чет мамлекеттерден жүктөрдү түз алып келе алышат.

"КЫРГЫЗИНДУСТРИЯ" ААКнын келечектүү долбоорлорунун ичинен жакынкы күндөрдө ишке кирчүлөрүнүн бири “КЫРГЫЗЧЕТТРАНС-ОШ” ЖЧКсы. Бул тууралуу аталган мекеменин маалымат кызматы билдирди.Ошентип, өлкөдө биринчи жолу жүк ташуучу унаалардын логистикалык автобазасы курулуп, аяктоо алдында турат. Муну менен Торугарт жана Эркечтам өткөрүү бекеттеринде эл аралык жүк ташууда чет мамлекеттер менен түз иштөөгө мүмкүнчүлүк түзүлөт.

А. Жапаров мык жана топчу чыгарган заводго барды

“Кыргызчеттранс-Ош” эл аралык стандартка жооп берет жана алдыда жүк ташып алып өтүүнүн саны көбөйүп, муну менен салыктын түшүшү да жогорулайт. Ал эми мамлекеттер ортосундагы экономикалык кызматташуунун аброю көтөрүлөрү анык.

"Ошону менен бирге " “Кыргызиндустрия” ААКнын жалгыз акционери Министрлер Кабинетинин болушу бизге бир топ ыңгайлуу шарттарды түзүп берди. Алдыда Кыргызстанда гана эмес, коңшу жана чет өлкөлөр менен түз келишимдерди түзүп, иш алып барганга толук кандуу укукка ээ болдук” -дейт аталган ишкананын жетекчиси Акбаралы Батыров.

Эл аралык жүктөрдү камсыздоочу автобазанын жалпы аянты 4 гектарды камтыйт. Борбору Ош-Ноокат унаа жолунун 27чи чакырымында жайгашкан.

Азыркы учурда асфальттын биринчи катмары төшөлүп, ТО-1 уюштурулуп, ширетүүчү цех, вулканизация станциялары курулуп жатат. Медициналык жана техникалык кароо боюнча объекттерде курулуштар аяктады. “Кыргызчеттранс-Ош” ЖЧКнын директору А. Батыровдун айтымында, автобазада 4 гектардан ашык жерде курулуш иштери аткарылып жатат, объекттин даярдыгы 70% түзөт. “Кыргызчеттранс-Ош” компаниясын ишке киргизүүнүн датасы макулдашылган.

Теги: