• Саясат
  • Экономика
  • Коом
 
777 Категория: Экономика - Published: 24/06 - 15:04

БИШКЕК, 24-июнь. — Eurasia Today. Быйылкы жылы жергиликтүү дарбыз эккен дыйкандар кошуна мамлекеттен арзан ташылып аткан дарбыздан улам пайда тапмак мындай турсун, зыянга учурап калуу коркунучунда турушат.

Ошондуктан Кыргызстанга Өзбекстандан ташылган дарбыздын сапаты текшерилип, көзөмөлгө алынмакчы. Бул тууралуу президенттин Жалал-Абад облусундагы өкүлчүлүгүнүн аппаратынын экономика жана регионду комплекстүү өнүктүрүү бөлүмүнүн башчысы Ырысбек Ызабеков журналисттерге билдирди.

Анын айтымында, бул иштерди "Достук" өткөрмө бекетинде Ветеринардык жана фитосанитардык кызмат аткара баштады.

"Дыйкандар өздөрү өндүргөн дарбыздын баасы арзандап кеткенине нааразы. Алар быйыл солярка жана башка айыл чарбага керектүү жабдыктар кымбаттап, дыйканчылык өзүн актабай калганын айтып жатышат. Алар Өзбекстандан чыккан дарбыздын сапатын текшерүүнү суранышкан. Биз тийиштүү адистер менен сүйлөштүк, кечээтен баштап "Достук" өткөрмө бекетинде Ветеринардык жана фитосанитардык кызмат көзөмөлдөп жатат. Бүгүн "Маданият" өткөрмө бекеттерине мобилдик кызмат барды. Дыйкандар сугат суу маселесин да көтөрүп, аны чечип бердик", - деди Ызабеков.

23-июнда 300дөй жаран Аксыда митингге чыгып, коңшу Өзбекстандан келген дарбыздын сапатын көзөмөлдөп, импортту азайтууну талап кылышкан. Учурда Үч-Коргон аймагында дарбыз бышып, базарда сатылууда. Дыйкандар жергиликтүү дарбыздын баасы түшүп, чыгашаны актабай калат деп кооптонуп турат.

Чогулгандар менен бөлүм башчы Ырысбек Ызабеков жолугуп, "Достук" жана "Маданият" өткөрмө бекеттерине тийиштүү тапшырмалар берилгенин айткан.

Аксы районунун Үч-Коргон айыл өкмөтүндө 2,5 гектар ашуун жерге дарбыз эгилген. Учурда дарбыздын килограммы 20 сомдон төмөн түшүп кеткендиктен дыйкандар нааразы болуп жатат. Ал эми Бишкектеги соода жайларында дарбыз 23 сомдон сатылууда.

Теги:

Валюта курсу

IRR
0.02
-1.52
USD
80.98
-0.28
EUR
82.36
+0.02
KZT
0.17
-0.18
RUB
1.33
+0.47
TJS
7.99
-1.18
TMT
23.43
-1.19
UZS
0.01
-1.32

Аба ырайы

 

+34°C Тегеран
+20°C Москва
+15°C Нур-Султан
+30°C Бишкек
+27°C Алматы
+36°C Дүйшөмбү
+36°C Ашхабад
+34°C Ташкент

Соцсети