Кыргызстанды Каспий деңизи аркылуу Россия менен байланыштырган жаңы маршрут иштелип чыгууда

Подробности: Категория: Экономика; Просмотров: 518

518 Категория: Экономика - Published: 19/01 - 12:36

БИШКЕК, 19-январь. — Eurasia Today. Кыргызстан сооданы өнүктүрүү үчүн кошумча жаңы маршрутту иштеп чыгууда. Бул тууралуу Экономика жана коммерция министрлигинин маалымат кызматы билдирди.

Маалыматка караганда, Кыргызстандын Экономика жана коммерция министрлиги жана Транспорт жана коммуникациялар министрлиги республиканын жүк ташуучу компаниялары менен биргеликте Кыргызстан - Өзбекстан - Түркмөнстан - Россия (Каспий деңизи боюнча "Түркмөнбашы" портунан "Астрахань" портуна чейин) багыттындагы маршруттарды иштеп чыгууда.

16-17-январда Россиянын Астрахань шаарында Түркмөнбашы порту менен Россиянын Каспий деңизиндеги порттору ортосунда үзгүлтүксүз деңиз ташуу линияларын уюштуруу максатында Кыргызстан, Россия, Түркмөнстан жана Өзбекстандын ыйгарым укуктуу органдардын жана чарбалык субъекттердин өкүлдөрү менен төрт тараптуу сүйлөшүүлөрү өткөрүлгөн.

Сүйлөшүүлөрдүн алкагында делегация мүчөлөрү Астрахань облусунун «Астрахань деңиз порту» АК, «Астрахань порту» ЖАК, "Армада МК " АК портторунун ишмердүүлүгү менен таанышып чыгышкан.

Теги: