• Саясат
  • Экономика
  • Коом
 
509 Категория: Экономика - Published: 08/12 - 17:18

БИШКЕК, 8-декабрь. — Eurasia Today. "Биз мындан ары да кичи жана орто бизнести жигердүү колдоого, инвестициялоого жана алардын ишмердүүлүгүн күчөтүүгө, алдыңкы технологияны өздөштүрүү үчүн өз ара өндүрүштүк кооперацияны чыңдоого тийишпиз", - деп билдирди Министрлер Кабинетинин Төрагасы Акылбек Жапаров Бишкек инвестициялык саммитинде сүйлөгөн сөзүндө.

Анын айтымында, акыркы беш жылда жаңы инвестициялык долбоорлордо кичи жана орто бизнестин үлүшү 5,7%дан 1,3%га кыскарган.

Ал ар бир өлкөнүн экономикасынын туруктуу өнүгүшү көптөгөн факторлордон көз каранды, бирок алардын ичинен эң негизгиси чакан жана орто бизнести өнүктүрүү, өндүрүлгөн продукциянын экспортко багыттоо экенин баса белгиледи.

«

"Кичи жана орто ишканалар өздөрүнүн мобилдүүлүгүнүн, ийкемдүүлүгүнүн, ишке карай инновациялык мамиле кылуусунун аркасында ар кандай өзгөрүүлөргө ыкчам көнүүгө, жаңы продукцияны тез өндүрүүгө жөндөмдүү. Натыйжада, чакан жана орто бизнестин эсебинен оптималдуу чарбалык пропорциялар түзүлөт жана сакталат", - деди  Акылбек Жапаров.

Ал эмгек өндүрүмдүүлүгүн жогорулатууга, экспорттун көлөмүн жана комплекстүүлүгүн жогорулатууга, жогорку технологиялык капиталды көп талап кылуучу жеке капиталдын жетишсиздиги бар долбоорлорду ишке ашыруу үчүн тийиштүү деңгээлдеги мамлекеттик колдоого ээ кошумча наркы жогору продукциянын жаңы өндүрүштүк кубаттуулуктарын өздөштүрүүгө жетишүү зарыл экенин кошумчалады.

Министрлер Кабинетинин Төрагасы бүгүнкү Саммит ири инфраструктуралык жана башка экономикалык долбоорлорду ишке ашыруу боюнча жаңы демилгелер сунуштала турган аянтча экендигин, санариптештирүү, жаңы технологиялар жана башка тармактарда кызматташуу илгерилей тургандыгын белгиледи.

"Инновация, технологияга суроо-талап жогору бойдон кала берет. Министрлер Кабинети эки тарапка тең пайдалуу шарттардагы демилгелерди жана инвестициялык долбоорлорду талкуулоого жана ишке ашырууга даяр", - деди ал.

Теги:

Валюта курсу

IRR
0.02
+0.49
USD
86.12
+0.04
EUR
93.96
+0.28
KZT
0.19
+0.05
RUB
1.24
-0.40
TJS
8.39
+0.24
TMT
24.59
+0.47
UZS
0.01
0.00

Аба ырайы

 

 0°C Тегеран
-8°C Москва
-14°C Астана
-10°C Бишкек
-12°C Алматы
-2°C Дүйшөмбү
-4°C Ашхабад
-8°C Ташкент

Соцсети