Ирандын Жогорку улуттук коопсуздук кеңешинин башчысы Али Ларижани дүйнөнүн бардык мусулмандарына жана ислам мамлекеттеринин өкмөттөрүнө кайрылды. Ал учурдагы геосаясий кырдаалда мусулмандардын биримдиги жана өз ара колдоосу канчалык маанилүү экенин белгиледи.
— Иран Ислам Республикасы АКШ жана Израиль тарабынан агрессияга дуушар болду. Бул кол салуу сүйлөшүүлөр жүрүп жаткан учурда жасалды. Агрессиянын максаты Иранды алсыратуу жана аны бөлүп-жаруу болгон. Натыйжада Ислам революциясынын улуу лидери, ошондой эле бир катар жай тургундар жана аскер командирлери курман болушту (шейит болушту). Бирок агрессорлор Иран элинин чечкиндүү улуттук жана исламдык каршылыгына туш болушту.
— Белгилүү болгондой, айрым, ал да болгону саясий билдирүүлөр деңгээлинде гана болгон сейрек учурларды эсепке албаганда, ислам мамлекеттеринин дээрлик эч бири Иран элине реалдуу колдоо көрсөткөн жок. Ошого карабастан, иран эли бекем эрк көрсөтүп, душманга каршы туруштук бере алды жана аны стратегиялык туңгуюк абалга алып келди. Бүгүнкү күндө каршы тарап бул абалдан кантип чыгарын билбей турат.
— Иран «чоң жана кичине шайтанга» — АКШга жана Израилге каршы каршылык жолун уланта берет. Бирок мындай суроо жаралат: айрым ислам мамлекеттеринин позициясы Пайгамбардын: «Эгер адам мусулмандын жардам сураган чакырыгына жооп бербесе, ал мусулман эмесби?» деген сөздөрүнө каршы келбейби? Мындай мамилени кантип түшүндүрүүгө болот?
— Андан тышкары, айрым мамлекеттер Иран алардын аймагындагы америкалык базаларга, АКШ жана Израилдин кызыкчылыктарына сокку урганы үчүн Иранды өздөрүнө душман деп жарыялашты. Мындай учурда ошол мамлекеттердин аймагындагы америкалык аскер базаларынан Иранга каршы чабуулдар жасалып жатканда, Иран жөн гана карап турушу керекпи? деген суроо туулат. Мындай билдирүүлөр актануу аракетине окшоп көрүнөт. Бүгүнкү бул каршылашууда бир тарапта АКШ жана Израиль, ал эми экинчи тарапта мусулман Иран өлкөсү жана каршылык күчтөрү турат. Силер кайсы тараптасыңар?
— Ислам дүйнөсүнүн келечеги жөнүндө ойлонгула. АКШ өз союздаштарына чыныгы берилгендик көрсөтпөй турганы, ал эми Израиль аймак элдери үчүн душман бойдон калаары жакшы белгилүү. Жок дегенде бир ирмемге болсо да өз тагдырыңар жана Жакынкы Чыгыштын келечеги жөнүндө ойлонуп көргүлө. Иран силерге жакшылык каалайт жана башка мамлекеттердин үстүнөн үстөмдүк кылууга умтулбайт.
— Өз ара колдоо жана тилектештикке негизделген ислам үммөтүнүн биримдиги бардык ислам мамлекеттерине коопсуздукту, өнүгүүнү жана көз карандысыздыкты камсыздай алат.















