Садыр Жапаров бүгүн, 5-декабрда “Дордой” базарына келип, Көзөмөл-кассалык машинелерди (ККМ) колдонууга каршы болгон соодагерлер менен жолугушуп, алардын сунуш-пикирлерин укту.
Мамлекет башчысы базарлардагы соодагерлерге 2024-жылдын июль айына чейин патент менен иштеп турууга уруксат берилгенин айтты.
“Эки күндөн бери баарын изилдеп чыктым. Мен азыр кандай иштеп жатышса июль айына чейин тийбегиле, токтотуп тургула дедим. Анткени салыкчыларыбыз өздөрү даяр эмес экен. Мен муну кечээ билдим”, – деди Садыр Жапаров.
Жапаров өкмөт мүчөлөрүн, салыкчыларды топтоп, ишкерлерден делегаттарды кошуп, кеңешип, анан чечим кабыл алышарын билдирди.
Садыр Жапаров "Дордой" базарында ККМге каршы соодаргерлер менен жолугушту
Садыр Жапаров "Дордой" базарында ККМге каршы соодаргерлер менен жолугуштуБиздин баракчаларга катталууга чакырабызFacebook – https://www.facebook.com/UTRKkgYoutube (УТРК) – https://www.youtube.com/@UTRKkgchannel/streamsInstagram – https://www.instagram.com/utrk_live/?igshid=YmMyMTA2M2Y%3DТелеграм – https://t.me/ktrk_live
Опубликовано УТРК Вторник, 5 декабря 2023 г.
Белгилей кетсек, 29-ноябрдан бери өлкө боюнча базардагы соодагерлер митинг өткөрүп жатышат. Алгач Оштогу “Кара-Суу” базарында өткөн. Соодагерлер салык саясатына нааразы болуп, жыл жаңырганда ишке кире турган Көзөмөл-кассалык аппаратын иштетүүгө жана электрондук эсеп-фактурасын толтурууга каршы экендиктерин айтышкан.
Бүгүн да соодагерлер Ош базарында жана Максим Горькийдин эстелигинин жанында нааразылык акцияларын өткөрүп жатышат. Күн мурун Кара-Балта шаарындагы базар, дүкөндөрдүн сатуучулары да нааразылык акциясына чыгышкан. Ош облусунун Кара-Суу базарындагыла, Бишкектеги “Дордой”, “Орто-Сай”, “Мадина”, “Аламүдүн” базарынын, “Таатан”, “Азиз”, “Чынар” соода комплекстеринин соодагерлери да чыгышты. Ушундай эле митингдер Ошто, Таласта, Караколдо да өттү. Ишкерлер койгон талап – патентти калтырып, ККМди жокко чыгаруу.
Өткөн аптада президент Садыр Жапаров базарлардагы нааразычылыктар боюнча жумушчу комиссия түзүп, текшерүү жиберген. Президенттин басма сөз катчысы Аскат Аалагозов комиссиянын жыйынтыгы менен министрлер кабинетинин чечими туурабы же базарда олтурган соодагерлердин талабы туурабы белгилүү болорун билдирген.


















